STELPURNAR OKKAR
KRÍA
Vatnavíkur Kría
Kría er litla barnið á heimilinu. Hún er dóttir Uglu, fædd árið 2021. Kría er með skemmtilegri karakterum sem við höfum kynnst. Hún er algjör kelirófa og veit fátt betra en að láta dekra við sig. Hún er líka algjör grallari. Hún felur skó fjölskyldunnar á hinum ýmsu stöðu og finnst algjör óþarfi að hafa nagdót sem ekki er verið að nota í dótakassanum.
_edited.jpg)
UGLA
Vatnavíkur Haust - Rökkur
Ugla er dóttir Sölku og er fædd árið 2019. Hún átti fljótlega hug og hjörtu fjölskyldunnar og við tókum þá ákvörðun að halda henni eftir. Við höfum aldrei séð eftir því enda er hún þvílíkur gleðigjafi. Ugla er lífleg, mannelsk og ósköp blíð. Hún heldur að hún sé smalahundur og veit fátt skemmtilegra en að ærslast með okkur við útiverkin.
SALKA
Refsborgar Buttercup
Salka er fyrsta Havanese stelpan okkar. Hún er fædd árið 2015 og er voða ljúf. Hún bræddi okkur alveg svo við urðum ástfangin af tegundinni. Salka er mamma Uglu og amma Kríu og hún hagar sér líka þannig. Hún er drottningin á heimilinu.